rp

Blogging Tips 2017

ஆசிரியர்களுக்கு எதிராக ஒரு அரசியல் எப்போதும் செயல்பட்டு கொண்டே இருக்கிறது-திருச்சி கோ.நாகராஜன்

ஆசிரியர்களுக்கு எதிரான அக்கிரமம் தொடர்ந்து நடைபெற்றுக் கொண்டு தான் இருக்கிறது. காத்து இருக்கிற தேர்வுபணி , தேர்தல் பணிக்கு முன்பாக ஆதார் இணைப்பு பணி..... ஊருக்கு இளச்சவாயன் பிள்ளையார் கோவில் ஆண்டி போல தாலுக்கா ஆபிஸ், ரெவுன்யூ ஆபிஸ் வேலை என்றால் அடிமைகள் ஆசிரியர்களா ? அதுவும் கல்விபணி பாதிக்காமல் பள்ளி முடிந்த பிறகு பார்க்க வேண்டுமா ? ஆடு நனைகிறது என்று ஓநாய்க்கு என்ன கவலை. உலகமயமாக்கலில் ஒரு அரசியல் ஒளிந்து இருப்பது போல ஆசிரியர்களுக்கு எதிராக ஒரு அரசியல் எப்போதும் செயல்பட்டு கொண்டே இருக்கும் . ஆசிரியர்களே ! தேர்தல் பணிக்கு Computer work க்கு கல்லூரி மாணவர்களை பயன்படுத்துவது போல இதற்கு பயன்படுத்த முடியாதா ? ஏன் VAO Office உக்கார்ந்து கொண்டு மக்களை வரச் சொல்லி இணைக்க முடியாதா ? வீதி ,வீதியாக, வீடு வீடாக செல்ல முத்திரை குத்திய நாம் இருக்கும்போது அவர்களுக்கு என்ன கவலை ? தோழர்களே! இனி நாம் கொஞ்சம் சொரணையுடன் எதிர்க்க வேண்டும் . இது 'தேசிய வேலை ' நீங்கள் தான் செய்ய வேண்டும் என்பான் அதிகாரகாரன் . ஆஹா ! என்றோ அடங்கி போகுதல் காரணமாக தான் நாம் இன்று வீதி ,வீதியாக அலைகிறோம் . மக்களே ! இயக்கம் சார்ந்து இறங்குவோம் ! இனி வரும் காலங்களில் 'இல்லை' வேறு பணி 'கல்வியை' தவிர ......என்ற நிலையை தொடுவோம் . எல்லா பணிகளிலும் மாற்றம் வந்து விட்டது. நமக்கு இன்னும் விடியவே இல்லை. அறுவைக்கு ஆள் பிடித்த காலம் மாறி ஆதாருக்கு ஆள் பிடித்து கொண்டு இருக்கிறோம் . வேதனையாக தான் இருக்கிறது தோழர்களே ! இயக்கம் சார்ந்து இயங்குவோம் இல்லையென்றால் உறங்குவோம் !!!!!

No comments:

Post a Comment