rp

Blogging Tips 2017

சட்டப் பல்கலை இணையதளம் முடங்கியது: பரிதவித்த மாணவர்கள்


சென்னை: சட்டப் பல்கலைக்கழக இணைய தளம் திடீரென முடங்கியதால், "கட்-ஆப்" மதிப்பெண் விவரங்களை தெரிந்து கொள்ள முடியாமல், மாணவர்கள் பரிதவித்தனர்.
"அம்பேத்கர் சட்டப் பல்கலைக் கழகத்தில், பி.ஏ., பி.எல்., ஐந்தாண்டு சட்ட படிப்பிற்கான, மாணவர் சேர்க்கை கலந்தாய்வு, ஜூலை, 15ம் தேதி நடைபெறுகிறது. மதிப்பெண் அடிப்படையிலான தரவரிசை பட்டியல் www.tndalu.ac.in என்ற பல்கலைக்கழக இணையதளத்தில் வெளியிடப்பட்டுள்ளது" என சட்ட பல்கலைக்கழகம் நேற்று முன்தினம் அறிவித்தது.

இதையடுத்து, தங்களின், "கட்-ஆப்" மதிப்பெண் விவரங்களை தெரிந்து கொள்ள, மாணவர்கள் இணைய தளத்தை தொடர்பு கொண்டனர். இருந்தும் நேற்று இரவு வரை, பல்கலைக்கழக இணைய தளம் முடங்கியே இருந்தது. இதனால் மாணவர்கள் பரிதவித்தனர்.
இதுகுறித்து, மாணவி ஒருவர் கூறுகையில், "நான் பிளஸ் 2வில், 786 மதிப்பெண் பெற்று, ஐந்தாண்டு சட்டப் படிப்புக்கு விண்ணப்பித்துள்ளேன். இதுவரை, எனக்கு அழைப்பு கடிதமும் கிடைக்கவில்லை. இடம் கிடைக்குமா என்பதை, இணைய தளம் மூலமும் அறிய முடியவில்லை" என்றார்.
இதுகுறித்து, சட்ட பல்கலைக்கழகத்தினர் கூறுகையில், "இணையதளத்தில் சரிபார்ப்பு பணி நடந்து வருகிறது. விரைவில், இணைய தளம் பயன்பாட்டிற்கு வரும்" என்றனர்.

No comments:

Post a Comment