Blogger Tips and TricksLatest Tips And TricksBlogger Tricks
Blogger Tips and TricksLatest Tips And TricksBlogger Tricks

தீபாவளிக்கு முன்பணம் : ஊழியர்கள் எதிர்பார்ப்பு

தீபாவளிக்கு, குறைந்த நாட்களே உள்ளதால், முன்பணத்தை விரைவில் வழங்க வேண்டும் என, போக்குவரத்து தொழிலாளர்கள் வலியுறுத்தியுள்ளனர். தமிழக அரசுப் போக்குவரத்து கழக ஊழியர்களுக்கு, தீபாவளி சமயத்தில், 20 நாட்களுக்கு முன்பாக, முன்பணம் வழங்கப்படும்; இது, சம்பளத்தில் பிடித்தம் செய்யப்படும்.

தேவைப்படும் தொழிலாளர்களுக்கு, கோட்டம் மற்றும் கிளை அலுவலகம் மூலம், தொகை வழங்கப்படும். நடப்பாண்டு இதுவரை, அறிவிப்பு வெளியாகவில்லை. முன் பணத்தை, முன்கூட்டியே வழங்கினால் மட்டுமே, கடைசி நேர நெரிசல், விலைவாசி அதிகரிப்பு ஆகியவற்றில் இருந்து தப்ப முடியும் என்பது, தொழிலாளர்களின் கருத்தாக உள்ளது. கோவை கோட்ட, ஏ.ஐ.டி.யு.சி., சங்க பொதுச் செயலர் சண்முகம் கூறுகையில், ''முன்பணத்தை முன்கூட்டியே வழங்குவதால், நிறைய தொழிலாளர்கள், பண்டிகையை சிரமம் இன்றி கொண்டாட முடிகிறது. இத்தொகையை விரைவில் வழங்க வேண்டும்,'' என்றார். 

No comments:

Post a Comment