Blogger Tips and TricksLatest Tips And TricksBlogger Tricks
Blogger Tips and TricksLatest Tips And TricksBlogger Tricks

கிழக்கே மறைந்த சூரியன்..கருணாநிதியின் உடல் சந்தனப்பேழையில் வைக்கப்பட்டது.. .முழு அரசு மரியாதையுடன் உடல் நல்லடக்கம்

தி.மு.க தலைவர் கருணாநிதியின் பூதவுடல் முழு அரசு மரியாதையுடன் 21 குண்டுகள் முழங்க மெரினா கடற்கரையில் அண்ணா சமாதிக்கு பின்புறம் நல்லடக்கம் செய்யப்பட்டது.

கலைஞர் கருணாநிதி காவேரி மருத்துவமனையில் கடந்த 11 நாட்களாக சிகிச்சை பெற்று வந்த நிலையில், உடல் நலக்குறைவால் ஆகஸ்ட் 7 காலமானார். காவேரி மருத்துவமனையில் இருந்து அவரது உடல் ஆகஸ்ட் 7 இரவு கோபாலபுரம் இல்லத்திற்கு கொண்டு செல்லப்பட்டது. பின்னர் சிஐடி இல்லத்திற்கு கொண்டு செல்லப்பட்ட நிலையில், நேற்று காலை 4 மணிக்கு ராஜாஜி ஹால் வந்தடைந்தது.
பின்னர் பொதுமக்கள் அஞ்சலிக்காக கருணாநிதியின் உடல் ராஜாஜி ஹாலில் வைக்கப்பட்டுள்ளது. பல்வேறு அரசியல் தலைவர்கள், திரையுலக பிரபலங்கள் வந்து அஞ்சலி செலுத்தினர். ஏராளமான தொண்டர்களும் வந்து அஞ்சலி செலுத்தினார்.

இதையடுத்து, நேற்று சரியாக மாலை 4 மணிக்கு கருணாநிதியின் உடல் ராஜாஜி அரங்கில் இருந்து புறப்பட்டது. சிவானந்தா சாலை, ராஜாஜி சாலை வழியாக கருணாநிதியின் உடல் மக்கள் வெள்ளத்தில் மிதந்து கொண்டே சென்றது. அண்ணா சாலை வருவதற்கே அரை மணி நேரம் ஆனது. தொடர்ந்து மணிக்கு மெரினா வந்தடைந்தது.

முன்னதாக அழகிரி, கலாநிதி மாறன், கனிமொழி உள்ளிட்ட கருணாநிதியின் குடும்பத்தார் அனைவரும் மெரினாவில் காத்திருந்தனர். ஸ்டாலின், தமிழரசு உள்ளிட்டோர் இறுதி ஊர்வலத்தில் நடந்தே வந்தனர்.

மேலும், ஆந்திர முதல்வர் சந்திரபாபு நாயுடு, தமிழக கவர்னர் பன்வரிலால் புரோஹித், முன்னாள் பிரதமர் தேவகவுடா, கர்நாடக முதல்வர் குமாரசாமி, காங்கிரஸ் தலைவர் ராகுல் காந்தி, மத்திய அமைச்சர் பொன்.ராதாகிருஷ்ணன் மற்றும் நிர்மலா சீதாராமன், அமைச்சர் ஜெயக்குமார், ம.தி.மு.க பொதுச் செயலாளர் வைகோ, வி.சி.க தலைவர் தொல்.திருமாவளவன், திருநாவுக்கரசர், காங்கிரஸ் மூத்த தலைவர் குலாம் நபி ஆசாத், வைரமுத்து ஆகியோர் இருந்தனர்.

தொடர்ந்து இறுதிச்சடங்கிற்கான பணிகள் நடைபெற்றன. இறுதியில் அவரது உடலுக்கு முப்படை வீரர்கள் மரியாதை செலுத்தினர். தொடர்ந்து மெரினாவில் காத்திருந்த தலைவர்கள், குடும்பத்தினர் அனைவரும் மரியாதை செலுத்திய பின்னர் 21 குண்டுகள் முழங்க முழு அரசு மரியாதையுடன் உடல் நல்லடக்கம் செய்யப்பட்டது. அவர் விரும்பியபடி, "ஓய்வெடுக்காமல் உழைத்தவன், இதோ ஓய்வெடுத்துக் கொண்டு இருக்கிறான்" என்று எழுதப்பட்ட சந்தனப்பேழையுடன் அவரது உடலை பூமித்தாய் பெற்றுக்கொண்டாள்.

சூரியன் அஸ்தமித்தது..!!!!

No comments:

Post a Comment