கருணாநிதிக்காக பெற்ற கடைசி வெற்றி!

மெரினாில் இடம் ஒதுக்கீடு தொடர்பாக தி.மு.க., சார்பில் ஆஜரான மூத்த வழக்கறிஞர் வில்சன், பல முக்கிய வழக்குகளில் வாதாடி உள்ளார். தி.மு.க., ஆட்சியின் போது கட்டப்பட்ட, அண்ணா நுாற்றாண்டு நுாலக கட்டடத்தை, பள்ளிக்கல்வி துறை வளாகத்துக்கு மாற்ற, அ.தி.மு.க., அரசு முடிவு எடுத்தது. இதை எதிர்த்து, தொடரப்பட்ட வழக்கில், மூத்த வழக்கறிஞர் வில்சன் வாதாடி வெற்றி பெற்றார். இதற்காக, கருணாநிதியின் பாராட்டை பெற்றார்.முக்கியமான வழக்குகளில், வில்சனை வரவழைத்து, சட்ட ஆலோசனைகளை, கருணாநிதி கேட்பார். புதிய தலைமைச் செயலக கட்டுமான முறைகேட்டை விசாரிக்க, நீதிபதி ரகுபதி கமிஷனை எதிர்த்து தொடரப்பட்ட வழக்கிலும், வில்சன் தான் ஆஜரானார். கடைசியில், விசாரணை கமிஷனின் செயல்பாடுகளை நிறுத்தி வைத்து, உயர் நீதிமன்றம் உத்தரவிட்டுள்ளது.இப்படி பல வழக்குகளில், கருணாநிதிக்காகவும், கட்சிக்காகவும் ஆஜரானவர், கடைசியில், கருணாநிதி மறைந்த பின்னும், அவரது உடல் அடக்கத்துக்காக வாதாடி, இடம் பெற்று தந்துள்ளார்.