rp

Blogging Tips 2017

10ம் வகுப்பு ரிசல்ட்: 95.2 % தேர்ச்சி

பத்தாம் வகுப்பு பொது தேர்வு முடிவுகள், இன்று வெளியாகின. இதில் 95.2 சதவீதம் மாணவ, மாணவிகள் தேர்ச்சி பெற்றுள்ளனர். திருப்பூர் மாவட்டம் 98.53 சதவீத தேர்ச்சி பெற்று முதலிடம் பிடித்துள்ளது. 
மதிப்பெண் விபரங்களை, மாணவர்களின் மொபைல் போன் எண்ணில், எஸ்.எம்.எஸ்., வாயிலாக தெரிந்து கொள்ளலாம். www.tnresults.nic.in, www.dge1.tn.nic.in மற்றும் www.dge2.tn.nic.in என்ற இணையதளங்களிலும், மதிப்பெண்ணை அறிந்து கொள்ளலாம்.மாவட்ட கலெக்டர் அலுவலகங்களில் உள்ள, தேசிய தகவலியல் மையங்கள், நுாலகங்கள் மற்றும் பள்ளிகளிலும் தேர்வு முடிவை தெரிந்து கொள்ளலாம்; தற்காலிக மதிப்பெண் சான்றிதழை, வரும், 2ம் தேதி முதல் பள்ளிகளில் பெற்றுக் கொள்ளலாம்.தனி தேர்வர்கள், 6ம் தேதி முதல், www.dge.tn.nic.in என்ற, இணையதளத்தில் தற்காலிக மதிப்பெண் சான்றிதழை பதிவிறக்கம் செய்யலாம். பத்தாம் வகுப்பு தேர்வில் தேர்ச்சி பெறாதவர்களுக்கும், தேர்வுக்கு விண்ணப்பித்து, தேர்வை எழுதாதவர்களுக்கும், ஜூன், 14 முதல், 22 வரை, சிறப்பு தேர்வு நடத்தப்படும்.


இன்று வெளியிடப்பட்ட பத்தாம் வகுப்பு தேர்வு முடிவுகளில் மாணவிகள் 97 சதவீதமும், மாணவர்கள் 93.3 சதவீதமும் தேர்ச்சி பெற்றுள்ளனர். மாணவர்களை விட மாணவிகள் 3.1 சதவீதம் அதிகமாக தேர்ச்சி பெற்றுள்ளனர். 2018 ம் ஆண்டு 94.50 சதவீதமாக இருந்த பத்தாம் வகுப்பு தேர்ச்சி விகிதம் இந்த ஆண்டு 95.2 சதவீதமாக அதிகரித்துள்ளது.

No comments:

Post a Comment